شوية مصطلحات فلسطينية!!!!!!!!!

بسم الله الرحمن الرحيم
السلام عليكم ورحمة الله وبركاته
كل عام وانتم بخير وبالصحة والسلامة بمناسبة عيد الفطر السعيد ، وينعاد علينا السنة الجاي وتكون فلسطين محررة من دنس اليهود ..... آمين
أنا أخوكم علاء وأنا جديد هون وإن شاء الله بستفيد منكم وربنا يوفقكم ويبارك فيكم
حبيت تكون أول مشاركة الي شوية مصطلحات فلسطينية متداولة بين الناس عشان ما تكونو بتسمعوها لاول مرة
وندخل بالموضوع
معي اليوم شوية مصطلحات فلسطينيه بحته مع تعريف كل مصطلح وفيه شويه زياده مني بالتعريف
بنبلش
يارب
0
0
0

بنكيت: رصيف الشارع كلمه عبريه والله اعلم
البياره:المزرعه او البستان
شمينت: نوع من الالبان من مخلفات العدو الصهيوني
ككسه: كيك بس بندلعها
الكوربه : راس الشارع او لفه اخر الشارع او منعطف
ضاوي: يعني واحد مأجر ما بفهم شي
براد : بكرج او ابريق ( وبنقول براد شاي او بكرج شاي)
بشكير : منشفه اللي بنشف فيها وجهنا ع هالصبح
فرشه : يعني فراش فوق السرير بنام عليه بس بنحب اندلعها شوي
ابطيني : يعني بياكل اكل قبيله ولا هو حاس
بابور : زي فرن الغاز بس على اصغر وله عين واحده وبشتغل ع الكاز
مخده : وساده
زرفيل : قفل الباب
اقلط الشارع : اقطع الشارع ( وبنحكي اقلط كنايه عن السرعه )
عشر طعش :يقصد بها الكثير من الشيء
تخت : سرير
رمزون : اشاره مرور ضوئيه
سطل : جردل او دلو او طشط
هوايه : مروحه
نونه : يعني شوي <<طعميني نونه بس >>
نتفه : اقل من شوي <شو بدو يعرفها هاي >
ونجك حالك : يعني زبط حالك
روق ياضاوي : يعني اهدى يا مسودن يا مخبل <قلبنا عراقي >
على بلاطه : يعني من الاخر
كوشي : يعني اسود
شكشوكه : اكله بندوره وبيض <جربوها نصيحه>
بابوج : شبشب
مصعلج : مزرجن يعني مش راضي وبمعنى اخر راكب راسه متيس
مقلمه : علبه الاقلام اللي بيكون شايلها الطالب
كنتين : كافتيريا المدرسه
الداليه : هي شجرة العنب ( يقال تعال تحت الداليه بمعنى هيا بنا نجلس تحت شجرة العنب )
زغنونه : يعني صغيره
جمطه : يعني ما بتنبلع ما بتنزل من الزور
طشه : يعني فسحه او طلعه ع البر او البحر او ع سطح الدارSmile
اجنص : لنج يعني جديد
مواسرجي : السباك الرجل الذي يقوم بتصليح المجاري
حنفيه : صنبور او مصوره
قاع الدار : الجزء الامامي للدار
قزاز : زجاج
سقاطه : حصاله بنجمع فيها الفلوسات الكتيرات
قداحه : ولاعه
بربيج : خرطوم المياه
حسكه : سفينه صيد صغيره
مخرمن : محتاج شاي او قهوه ( مخرمن ع كاسه شاي )
شخبطه : خرابيش جاج
شقلب وجهك عني : يعني مابدي اشوف خلقتك
سبهلله : بون مسؤوليه
تلقيحه : واحد رامي حالو علينا
نتخرف : ندردش مع بعض
ام العبد وابو العبد : اسم فلسطيني قح
قح : عالاخر
فرم الشباب : طحنه خلاه زي الطحينيه او زي اللحمه المفرومه:0
فعص في بطن الشباب : خبط في بطنه هلكه
جلدة راسو خميله : عبيط او ما بفهمش بسرعه ( يعني ان ضربتو رصاصه براسو بطلع محلها حبه صغيره):
بدكاش : مابدك
فطبول : كرة قدم
شمر : ارفع البنطلون او الجلابيه وافكح او اجري
برقان : برتقال بس الواحد بكون مستعجل :
بوزك : وجهك
زير : الاناء المصنوع من الفخار يوضع فيه الماء
قشاط \ سير : اللي بيكون ع البنطلون
الحين \ هسه : الان
شقفه : حته صغيره
يع : يعني قرفان من اشي < يعو كتير ارف > Smile
الخوصه : السكين
شرشف : ملايه
ليدن : علكه
احلقلو : طنشو ما تعبرهوش
ترللي : مهوي اهبل
يجاكر : يعاند
زبديه : صحن من الفخار ( لعمل الدقه الغزاويه )
ورق دوالي : ورق عنب
قمباز : لباس فلسطيني يلبسه الختياريه
سجره : شجره :rolleyes:
اسكوميه : يعني ايس كريم ( دلع هاظا ) Smile
الفرشوحه : يعني ساندويش الشاورمه بالغزاويه القح
ريحه : عطر
قصاصه : يعني مقص اضافر
مستهلسكو : يعني مش معبركو
مطعوج : من الفعل انطعج Smile والمصدر تاعو انطعاج وهو الشيء المعووج Smile
فشكه : يعني الرصاصه الفارغه
ازعق عليه : نادي عليه
ضلك كاوي : ضلك ماشي على طول (نفس الطريق)
يختي : اسلوب نداء للمؤنث
يخي : اسلوب نداء للمذكر
بعكش : فتش او ابحث او دور
بسكليت : يعني دراجه
بنكش راسك : بمزح
عرسه : فأر كبير

ههههههههههههههههههههههههههههه والله يسلمو جد مصطلحات بضحكو شكرا الك علاء على المصطلحات الفلسطينية الجميلة تقبل مروري

أحلى لهجة اللهجة الفلسطينية
وخصوصا لهجة الفلاحين بتجنن
الحمد لله أن جعلني مسلما وجعلني فلسطينيا
مشكووورة على مرورك الطيب وردك الاطيب
تحياااتي

يسلمو جد مصطلحات حلوه شكرا لك علاء على المصطلحات الفلسطينية الجميلة
تقبل مروري وتحياتي

Smile

منور الموضوع يا ابراهيم
الله يعطيك العافية
فلسطيني واعتز إني فلسطيني ودين الله هو ديني أفديه بروحي بدمي وعيني
تحيااااتي

ههههههههههههههههه مشكور اخى
Razz

في كلمات بنقولها احنا كمان
شوية مصطلحات فلسطينية!!!!!!!!! 34995_1192630142gif

دموع الورد
رينا
مشكورين على مروركم الطيب
Smile

تحيااااتي

مشكور على المصطلحات الجميلة والحلوة كذلك
هلا بيك معانا أخي علالاء وفي انتظار جديدك تقبل مروري

ان شاء الله ربنا يبارك فيكم وبمنتداكم
وربنا يوفقنا لخدمة المسلمين
مشكووورة على الرد المميّز
تحيااااتي
Smile

السلام عليكم مشكور علاء على هذا الطرح الرائع دام لنا قلمكك المتميز بانتظار المزيد من ابداعاتك الرائعة تقبل مروري تخياتي

وعليكم السلام
ربنا يعينا ويوفقنا اختي زهرة افادة المسلمين
مشكوووورة على ردك الطيب
تحيااااتي
Smile

يسلموو علاء ع التعريف بي بعض المصطلاحات الفلسطينه كثير حلوه
وبنتظار جديدك
تقبل مرورى

مشكوووووة اختي على مرورك الطيب
الله يعطيكي العافية
تحياااتي

زائر

تسلم اخي الكريم على طرحك الرائع

ولا احلى من لهجتنا الفلسطينية

مشكوووووووووووووووووووور ويعطيك العافية

تقبل مروري وتحياتي [b]

كال لهجتنا احلى لهجة كال
ما في مقارنة أصلا
مشكووورة على المرور الطيب
تحيااااتي

» مصطلحات خليلية . مصطلحات اهل الخليل . مصطلحات فلسطينية . مصطلحات تخص عدة مدن فلسطينية . مصطلحات غزاوية المدن والقري والتراث الفلسطينـي
» مصطلحات فلسطينية
» مصطلحات فلسطينية^_*
» اضحكلك شويه.....
» مصطلحات سياسية