( ياعرب ) لشاعر العامية الجميل أحمد فؤاد نجم

يا عرب ( باللهجة المصرية )

كلمات الشاعر المصري أحمد فؤاد نجم ..

يا عرب .. يا عرب .. يا عرب في أي مصر
يا عرب .. يا عرب .. اسمعوا صوت شعب مصر
أحفظوا لمصر المكان .. و احنا عالعهد اللي كان
مصر أوفى من الزمان ..
و انتو عارفين شعب مصر
يا عرب يا عرب يا أهل مصر
--------------------------
اللي خانوا العهد بينا .. و استباحوا كل حاجة
و استهانوا بالعروبة .. و استكانوا للخواجة
مستحيل حيكونوا منا .. نحنا حاجة و هما حاجة
هما باعوا الجلابية .. و الوطن و البندقية
و ا حنا أصحاب القضية ..
احنا ما بنبيعش مصر
يا عرب يا عرب يا أهل مصر
----------------------------
يطلع الدجال بزيفو .. يملا وادي النيل ضباب
ينزل الجلاد بسيفو ... يزرع الموت و الخراب
يطول الليل زي كيفو .... الصباح له ألف باب
و احنا بوصلتنا بإيدينا .. ما تخافوش من الليل علينا
مهما غبتو عن عينينا ..
انتو جوا بقلب مصر
يا عرب يا عرب يا أهل مصر
-------------------------
سينا و لا .. يافا و لا .. حيفا ولا ... دير ياسين
اسألوا الشمس اللي هالة .. عللي صحيوا مبدرين
يزرعوها نور و غلة .. دول جدودنا و لا مين ؟
حقنا و حتما ً يُعاد .. بس لو بانت سعاد
و البيان ده لوه معاد ...
و المعاد حيكون في مصر
يا عرب يا عرب يا أهل مصر

تحياتي

شكرا كتير هيثم على كلامك الجميل

وكلنا بنحب فلسطين وفدها

تسلم ايدك وننتظر جديد ابدعاتك

أشكرك ياريم علي تشجيعك الدائم وكذلك كل التحية والشكر لنورس الظلام علي المرور الكريم

تحياتي عبير غزة وسعادتي لتفهمك الرائع لما اردته من نشر لهذه الابيات فهي فعلا تنادي
باحساس العروبه ونبذ التفرقة بيننا جميعا اشكرك علي كلماتك