فلسطيني ممنوع اتعيش

كلمات القصيدة
فلسطيني ممنوع تعيش ..
قلولك إسكت متحكيش ..
أنت خلقت لتطلتيش ..
للحواجز للمصايب للتفتيش ..
كتبه ع جبينك ينداس ,,!!
من الضابط حتى الشاويش ..
فلسطيني وممنوع تثور ,
ومش مسموح تكون منصور ,
إيـاك تطالب بحقك .. أوعى بيوم تشوف النـور ,
ممنوع تجدد هوية .. ممنوع تجدد باسوور ,
فلسطيني وبدك تتعلم .. هاي شغلة ضد الدستور ,
فلسطيني ولازم تتألم .. من دون ما يشوفك دكتور ,
فلسطيني وممنوع تتظلم ..
ولا يطلع بجناحك ريش ..
فلسطيني ممنوع تعيش ..
فلسطيني وإن فيه سفريات ..
إسمك بالأحمر مكتوب ,,
وع شباك مصلحت الجوازات ..
كتبه ع جبينك مطلوب ,,
لازم تتوقف ساعــات ..
مذنب أو من دون ذنوب ,,
ويتوجهلك إتهامــات ..
إنك سبب كل الحروب ,,
قال بسببك الحق مات ..
والعدل بوطنك مسلوب ,,
وكأنك سبب كل النكسات ..
وكل أزمات الشعوب ,,
وكأنه بسببك المحتل فات ..
ع الأقصى بلحظة الغروب ,,
وذبح صبيان وبنــات ..
وعجز ع أمره مغلوب ,,
فلسطيني ممنوع تعيش ...
هذه دنيا بس للخفافيش ...
فبدك تشوف همنـا هموم ,
تابع كل شي عنا قبل النوم ,
مذيع معصب وكله هموم ,
نبأ عـاجل يا أهل الله ..
هدوا بيوت برام الله ..
حكـامنا قاموا إسم الله ..
يتصلو في بوش يقوم ..
وبسيفه يحمي المظلوم ..
حكامنا اتصلو في كوفي عنان ..
قلولوا يا خينـا الإسلام إنهـان ..
إن كنلك فوتة ع الأمريكان ..
وإلك منا كم خــزان ..
حكامنا اتصلو في جاك شيراك ..
قلولوا يا خينا ما النا ســواك ..
إن كانلك فوتة ع توني بلير ..
بلكن تقنعه يقنع بابا ..
بلكن بابا يقنع موسكو ..
بلكن موسكو تقنع بوش ..
بلكن بوش بيقنع أولمرت ..
وتردوا الأقصى لصاحبه ,,
وتحمـوا الشعب الغلبـان ..
نبــأ عــاجل يا أهـل الله ..
حكــامنا العوض ع الله ..
وحدتنا يا ناس أصبحت فضائيات ..
ألف دش فوق روسنا ضاوي ,,
شو يفيد البث الحي لشعب مـات ..
وبألف تلفزيون شو ســاوي ,,
قضيتنــــــا أصبحـت عربســـات..
ونشيد الوطن أتحول غنـاوي ,,
وإذا مش عاجبك هالمحطة حول ع النايل سات ..
حتى تسمع للسيد مكاوي ,,
أصل الوطن أتحـــول محطــات ..
وصارت كرامتنا فتـاوي ,,
يا وطن مسجون جوا الشاشات ..
عم تبكي وصوتك بالفضا داوي ,,
أهلك من النيل حتى الفرات ..
مثلك مساجنين بس بقهاوي ,,
فيـا خوفي من الحجة الجاية تكون الحجة صعبة ..
وبحجة مكافحة الإرهاب يحطو حارس ع الكعبة ..
ويصيروا يصفونا صفوف ونأخد إذن حتى نطوف ..
ويحققوا مع كل خروف رايح ينذبح ضحيــة ..
وبوش يصدر قانون ممضى من البنتاغون ..
اللي بيرجم إبليس الملعون ..
بيكون ضد النـازية ..
ونصير نطلع علي عرفات ..
واحد واحـد مش دفعــات ..
ونأخد ليستى بالدعـــوات ..
من البيت الأبيض ممضية ..
وبوش يقدم إحتجاج ..
يطالب بضحية الحجاج ..
تكون ثمن للأبراج ..
اللي وقعت بالصفية ..
يا شقاقي بلغ عيـاش ....
أمتنا في مبنى الإنعاش

** ما بقول غير الله ينصرنا **

فلسطيني ممنوع تعيش ..
قلولك إسكت متحكيش ..
أنت خلقت لتطلتيش ..
للحواجز للمصايب للتفتيش ..
كتبه ع جبينك ينداس ,,!!
من الضابط حتى الشاويش ..
فلسطيني وممنوع تثور ,
ومش مسموح تكون منصور ,
إيـاك تطالب بحقك .. أوعى بيوم تشوف النـور ,
ممنوع تجدد هوية .. ممنوع تجدد باسوور ,
فلسطيني وبدك تتعلم .. هاي شغلة ضد الدستور ,
فلسطيني ولازم تتألم .. من دون ما يشوفك دكتور ,
فلسطيني وممنوع تتظلم ..

فعلا نحنا عايشين ومو عايشين

لازم نضل ساكتين

بس رح يجي يوم تتحرر فلسطين

وان شاء الله عن قريب

مشكوووووووووووووورة فرح على الكلمات الروعة

تقبلي مروري

السلام عليكم شكرا لكي ملاك على مروركي العطر تواجدكي المستمر نور صفحتي