حوار في المستقبل

حــــــــــوار فى المستقبـل



كـــل عـــام وانتـــــــم بخيـــــر
ورمضــــــــان كــــــــريم




النهـــــارده جايبلكـــــــم
حــــــــوار فى 2060

بين جـــــــــده عندهــا 70 سنـــــــــه
وحفيــــــده فــى ســـن المراهقــــــــه






الحفيدة : تيتة توتا إزيك .. بقالى زمان مقعدتش معاكى





الجدة : وهو أنا عارفه اتلم عليكى خالص .. ده أنا قاعده زهقانة اووووى ومش لاقية حاجه تسلينى خالص



الحفيدة : ومبتفتحيش الدش ليه يا تيته







الجدة : التليفزيون بقى ممل خالص مافيهوش غير 9700 محظة بس ! .. وانا كمان مبعرفش أغير المحطات




الحفيدة : إيه البادى اللى انتى لابساه ده .. دا موضه قديمة قوى يا تيتة !



الجدة : يابنتى انا ست دقة قديمة وبالبس زى ماجيلنا الصاعد اتعود وحسب التقاليد القديمة بتاعتنا







الحفيدة : أيوه بس مش حاسه انك مخنوقة وانتى لابساه؟





الجدة : ابدا ده هو ده البس المحتشم اللى مفروض الكل يلبسه ويحافظ عليه .. فين ايام زمان لما كنا نلبس البادى اللى مبين البطن والظهر بس مع البنطلون السترتش الجلد ... كانت حاجه اخر روشنه




الحفيدة : ياااه يا تيته دا انتوا كان ليكوا تقاليد غريبة خالص



الجدة : وهو انتى فاكرة ان ايامكم دى ايام ؟ ياختى ايامكم دى ما يعلم بيها الا ربنا ...... فين ايام سنه 2006 هى الواحده فينا كانت تستجرى وتشرب سيجارة البانجو ولا تسحب لها سطر بودره اودام ابوها ؟ طب ده الدنيا كانت تتقلب ساعتها ومتتعدلش .. امال ايه .. كان ف حاجه اسمها اخلاق




الحفيدة : معقول يا تيتة للدرجة دى ؟ للدرجة الفظيعه دى ؟






الجدة : امال انتى فاكره ايه ... وبعدين كانت الستات من دول ما تلبسش اللبس الخليع بتاع اليومين دول .. يعنى الجيبه كان ميقلش طولها عن شبر وربع وكانو الستات يلبسوا فوقيها بلوزه باستمرار مش زى دلوقتى ....... حسبى الله ونعم الوكيل !!!






الحفيدة : ياخبر .. وايه كمان يا تيته





الجدة : ح قولك ايه ولا ايه يعنى خدى عندك مثلا .... زمان كنا نسمع الطرب الاصيل لمطربين حقيقين زى مصطفى قمر وتامر حسنى وعمرو دياب وطبعا سيدة الغناء "" روبى "" وكانت الاغنيه مداتها اكثر من دقيقتين ونص متواصلين من الطرب الاصيل والموسيقة الهادية الراسية اللى تعمر النافوخ بصحيح كانو مطربين روشين واخر طحن .... حسبى الله ونعم الوكيل


الحفيدة : وبعدين يا تيته


الجدة : وبعدين كنا بنسمع ع حاجه اسمها اسطوانات ليزر ودي صحيح انقرضت بس كان ليهم طعم عن دلوقتى يا سلام لما كنا نحطها ف الوووكمان ونعلقها ف حزام البنطلون كده ونمشى قدام تجاره انجلش كده كانت ايام جميله بجد ...... حسبى الله ونعم الوكيل

الحفيدة : حكاويكى ممتعه قوى يا تيته .... ثانيه واحده بس لما اصحى سمسم صاحبى ف المدرسه لانه بايت معايا ف الاوضه من امبارح .... اصل الانسان الالى بتاع الصحيان بايظ ولازم نصلحه النهارده

الجده : طيب يا حبيبتى روحى
....
..
.

وربنا يستر على اللى بعد كده

تقبلو مرورى
مع
فائق احترامى لكل الاعضاء
الكـــرام
...

ههههههههههههههههههههههههههههه
هههههههههههههههههههههههه
حـلـــــــــــــو الحــــــــــــــوار بجـــد
تسلــــــــــــم ايـــــــديــــــــــك
ربنا يسترها علينا في الايام اللى جايه مشكورة اختي الكريمة
يعطيك العافية على هيك موضوع
تحيــاتي لك..
دائما مواضيعك مميزة حبيبتي فرح
تقبلي مروري البسيط

اشكرك فرروح طرحك بقمةالدعابة وجميل جدا...

ولكن الله لا يسمح بهاك زمن ههههههههههههههههههههه...

السلام عليكم

مشكووووووووووووورين عللى مروركم العطر وتواجدكم المستمر الذي انار صفحتي
تحياتي لكم

السلام عليكم

مشكورة عهد على مروركي العطر وتوجدكي المستمر الذي انار صفحتي دمتي لنا

تحياتي